Izraeli bombardon sërish Gazën, vriten 20 palestinezë, shumica gra dhe fëmijë 05/11 11:23
Zyrtarët po hartojnë plane për të shkatërruar pjesën e mbetur nga godina e rrëzuar në Sërfsajd të Floridës.
Planet u bënë të ditura të enjten pasi shqetësimet në lidhje me paqëndrueshmërinë e strukturës nxitën një pezullim prej 15-orësh të kërkimeve për të mbijetuar.
Pasi përpjekjet e shpëtimit rifilluan të enjten në mbrëmje, zyrtarët thanë se kishin filluar planet për shembjen e mundshme të strukturës së mbetur. Numri i viktimave të konfirmuara deri të premten ishte 20 ndërsa vazhdojnë të figurojnë të zhdukur ende 128 persona.
Scott Nacheman, një specialist i strukturave me agjencinë federale për menaxhimin e emegjergencave (FEMA), tha se inxhinierët po analizojnë metoda të ndryshme për shkatërrimin e pjesës së mbetur të ndërtesës. Ai tha nëse ndërtesa shkatërrohet, fillimisht do të ketë një ngadalësim në operacionet e shpëtimit.
Por specialisti tha se prishja e strukturës do të krijonte një mjedis më të sigurt pune që mund të lejojë më shumë personel në vend dhe të përshpejtojë ritmin e punës./ VOA
Top Channel
