Nis lëvizja e trageteve në portin e Sarandës dhe Korfuzit

Pika kufitare e Kapshticës është lajmëruar se është hapur ditën e sotme por ende nuk ka një njoftim zyrtar nga autoritetet greke.

Sipas korrespodentit të Top Channel, nga sot, në këtë pikë kufitare do të lejohen të kalojnë të gjitha kategoritë e udhëtarëve dhe jo vetëm punonjësit sezonalë që ishin deri këtë mëngjes.

Ende nuk ka detaje sesi do të funksionojë kjo pikë kufitare,pasi hapja ende nuk është bërë zyrtare prej autoriteteve greke.

Gjatë orëve në vazhdim pritet të zyrtarizohet lehtësimi i mëtejshëm i lëvizjeve në pikat e kalimit doganor mes dy vendeve.

Kështu, pritet të hiqet tavani prej 1500 personash në Kakavijë dhe zgjerimi i orarit nga 07-24,ndoshta mund të vendoset që kjo pikë doganore të funksionojë 24 orë, ndërsa në Qafë Botë pritet të hiqet kuota prej 250 personash dhe të lejohet rinisja e aktiviteti normal të doganës,si për lëvizjen e udhëtarëve edhe për atë të mallrave.

Edhe porti i Sarandës ka marrë dritën jeshile prej autoriteteve greke dhe ka nisur lëvizja e trageteve mes portit të Sarandës dhe atij të Korfuzit.

Top Channel