Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Kryq i Kuq Ndërkombëtar tha se qindra fëmijë janë të burgosur në burgjet e të rriturve në Sirinë verilindore.
Agjencia deklaroi se fëmijët, kryesisht djem, janë dërguar në burgje pasi janë marrë nga kampi al-Hol, i drejtuar nga forcat kurde siriane. Në këtë kamp janë rreth 60,000 njerëz që kanë qenë të lidhur me luftëtarët e Shtetit Islamik (IS) nga më shumë se 60 vende.
Shumica janë gra dhe fëmijë që u larguan atje pasi bastionet e fundit të IS-it u shkatërruan dy vjet më parë, raporton Radio Evropa e Lirë.
“Qindra fëmijë, kryesisht djem, disa të moshës 12 vjeç, janë të arrestuar në burgjet e të rriturve. Ata nuk u përkasin këtyre vendeve“, tha Fabrizio Carboni, drejtori rajonal i ICRC-së për Lindjen e Mesme, në një konferencë për shtyp.
Vitin e kaluar, kjo organizatë, ka bërë 36 vizita në objektet e paraburgimit. ICRC është organizata e parë që ka pasur qasje të tillë.
ICRC gjithashtu u bëri thirrje vendeve që të riatdhesojnë shtetasit e tyre nga kampi al-Hol dhe të mbajnë familjet e bashkuara “siç e parasheh ligji ndërkombëtar”.
Organizata ndërkombëtare për të drejtat e fëmijëve, UNICEF ka thënë se, gushtin e kaluar, tetë fëmijë nën 5 vjeç kishin vdekur në kamp, gjysma nga ndërlikimet e lidhura me kequshqyerjen.
Top Channel
