Man. United sërish pazar tek Interi, gati 60 mln Euro për 25-vjeçarin 25/04 08:41
E ardhmja e Lionel Messit do të vijojë të jetë te Barcelona, klub ku u rrit dhe shkroi historinë e futbollit. Kontrata e yllit argjentinas skadon më 30 qershor dhe muajt e fundit ishin shtuar shumë dyshimet për një largim të mundshëm, me Manchester City-n që ishte shfaqur i gatshëm të përfitojë nga situata.
Megjithatë media spanjolle “El Chiringuito” zbulon se nga burim e të sigurta pranë futbollistit, 6 herë fituesi i Topit të Artë ka gjetur gjuhën e përbashkët me presidentin Joan Laporta dhe do të firmosë një kontratë të re, të vlefshme deri në verën e 2023-shit.
Nuk bëhen të ditura ende detajet e kontratës së re, të cilën Messi do ta firmosë menjëherë sapo të përfundojë Copa America, ku është i angazhuar me Argjentinën, por “pleshti” duket se ka vendosur të qëndrojë në “Camp Nou” deri në përfundim të Kupës së Botës Katar 2022, ku do të synojë arritjen madhore me “albicelestët”.
Merr fund kështu frika e tifozëve katalanë se mund të humbasin me parametra zero një nga futbollistët më të mirë në historinë e futbollit, ndërsa një nga arsyet që kanë bindur Messin të rinovojë, është edhe lëvizja e drejtuesve në merkato për të afruar futbollistë me eksperiencë./supersport
Top Channel
