“Roma e meritoi kualifikimin”, Pioli i sinqertë 19/04 10:01
Edicioni i 16 i kampionatit evropian të futbollit mbërrin në ditën e fundit të fazës së parë ku do të luhen 4 ndeshjet qe do të krijojnë edhe tablonë e plotë për pjesën e mbetur të aktivitetit më të rëndësishëm të Kontinentit të Vjetër, në rang përfaqësuesesh. Në letër spikat sigurisht dueli Francë – Portugali, me dy skuadra përfaqësuese që renditen në pesë vendet e para të klasifikimit të përgjithshëm të FIFA-s.
Kampionët në e botës në fuqi janë të kualifikuar për në fazën e knock out-it, ndërsa portugezët në krahun tjetër janë pothuajse me një këmbë në raundin tjetër, duke patur parasysh golavarazhin si dhe sasinë e golave të shënuar në dy ndeshjet e para. Ekipi i drejtuar nga veterani Fernando Santos shkon i qetë në takimin përmbyllës, sepse duke bërë llogaritë kampionëve në fuqi të Evropës iu duhet që të humbasin këtë duel me tre apo më shumë gola diferencë, për t’i dhënë lamtumirën përpara kohe këtij aktiviteti.
Ukraina e Andriy Shevchenko-s numëron 3 pikë dhe ka një golaverazh 4-5, ndërsa Portugalia ka vërtet vetëm 3 pikë në klasifikimin e veçantë të vendeve të treta, por me një golaverazh dukshëm më të mirë 5-4. Portugali – Francë do të luhet në orën 21:00 në “Puskas Arena” dhe po në të njëjtën ore Gjermania do të presë Hungarinë në “Allianz Arena” dhe është e qartë që “mannschaft”-i niset si favorit për të kaluar mes 16 ekipeve më të mirë të këtij evropiani.
“Panzer”-at rrezikojnë të mbeten jashtë vetëm nëse humbasin ndeshjen, ndërkohë ka edhe një skenar tjetër tepër befasues, sidoqoftë pak të mundshëm: nëse Gjermania dhe Portugalia munden në sfidat e fundit, atëherë kampionët në fuqi do ta mbyllnin aventurën e tyre në vendin e fundit në Grupin F, pikërisht falë bilancit negativ në përballjen direkte me Gjermaninë. Më herët do të mbyllin përfundimisht llogaritë edhe ekipet e Grupit E. Polonia duhet të mundë patjetër në Saint Petersburg Suedinë në orën 18:00, ndërkaq po në të njëjtën orë Sllovakisë i nevojitet patjetër barazimi ndaj Spanjës, që ka favorin qe luan në Sevilla.
Është e qartë që vendasit do të luajnë për 3 pikët, sepse një barazim ndaj Sllovakise i kombinuar me një sukses të Polonisë ndaj Suedinë flak jashtë në mënyrë të pamëshirshme pikërisht skuadrën e Luis Enrique-s.
Top Channel
