Vetëm pak kilometra larg Durrësit e Tiranës, natyra ofron plazhet e bukura dhe të qeta të Gjirit të Lalëzit.
Në kërkim të qetësisë, shumë pushues zgjedhin plazhet publike të zonës, rrethuar nga gjelbërimi i pishave dhe zhurma e dallgëve të detit.
“Deti është i qetë dhe i pastër. Na pëlqen. Nga një anë marr vitaminën D dhe nga ana tjetër njohuritë që na duhen për provimet”, thotë një studente e mjekësisë.
“Këtu është qetë, mirë. Jemi me gjërat tona. Andej është zhurmë.
“Dje kam ardhur në Shqipëri dhe rastësisht pashë tabelën Gjiri i Lalëzit dhe sot vendosa me ardh. Nuk jam pishman”, shprehen të tjerë qytetarë.
Fundjava e gjen të rënduar trafikun në rrugën që lidh autostradën Tiranë-Durrës me Gjirin e Lalëzit nga pushues të rinj dhe ata që i frekuentojnë rregullisht plazhet e zonës në këtë sezon, por pushuesit kërkojnë më shumë kujdes e pastërti në hapësirat publike të kësaj pjese të Adriatikut.
”E zgjedhim se është më pastër e më qetë, po pastërtia nuk është aq sa nevojitet.
”Vijmë se është shumë i pastër. E kemi afër dhe është qetësi. Kur nuk vijmë ka trafik ose është pisët. Unë vij nga Shijaku”.
Top Channel
