Pas gjetjes së viktimës Fridman Xhaferraj në një rezervuar në Vithkuq të Korçës, janë ngritur dyshimet e para të autorëve që kanë kryer vrasjen, pasi në trup iu gjetën shenja dhune.
Dyshohet se autor është Lulëzim Spahija dhe një 26-vjeçar me iniciale K.B, të cilët janë të dy nga Lushnja dhe janë shpallur në kërkim.
Viktima Fridman Xhaferraj nga fshati Plug i Lushnjës dyshohet se është vrarë pasi në trupin e tij janë gjetur shenja dhune.
Xhaferraj ishte personi i akuzuar për djegien me qëllim të 3 makinave në afërsi të një qendre tregtare ndërsa ishte lënë me masën e sigurisë “arrest shtëpie”.
Sipas të dhënave të policisë ai në datën 21 maj është liruar nga dhomat e paraburgimit duke u lënë në arrest shtëpie në fshatin Plug të Lushnjës. Shenjat e gjetura në trupin dhe kokën e viktimës kanë bërë që grupi hetimor të dyshojë se kjo mund të jetë një vrasje dhe se i riu para se te hidhej ne rezervuarin e Gjançit është dhunuar deri në vdekje diku tjetër.
Policia shprehet se po punohet për sqarimin e gjithë dinamikës së ngjarjes.
Paraditen e së dielës trupi i pajetë i të riut i gjet në bregun e rezervuarit ndërsa dyshimet e para të ekspertizës thonë se trupi ka qëndruar për disa ditë në ujë.
Top Channel
