Rrëzimi i avionit me 38 të vdekur në Kazakistan/ Kremlini merr përgjegjësinë, Putin i kërkon falje presidentit të Azerbajxhanit 28/12 14:15
Me anë të një greve të përgjithshme 24 orëshe që ka filluar prej mëngjesit të sotëm sindikatat greke i japin një përgjigje dinamike qeverisë që me projektligjin e ri që ka sjellë në parlament, kërkon të ndryshojë rrënjësisht marrëdhëniet e punësimit .
Sindikatat protestojnë kundër heqjes së 8 oreshit dhe kontratave kolektive, kundër liberalizimit të pushimeve masive nga puna ,uljes së pagesës së orëve jashtë orarit , heqjes të së dielës si ditë pushimi apo të drejtës së punëtoreve për të organizuar greva. Sipas sindikalisteve projektligji i ri shpërben legjislacionin e punës dhe legalizon arbitraritetin e punëdhënësve.
Tubimeve të ndryshme prej mëngjesit në Athinë dhe qytetet e mëdha të vendit, të Konfederatës së nëpunësve shtetërorë ADEDY dhe Sindikate së punonjësve të sektorit privat GSEE, i janë bashkuar kundër projektligjit të ri të karakterizuar si “xhungla e punësimit”, federatat e sektorit të shëndetësisë, punëtorë të sektorëve të ndryshme, të papunë, të rinj e të reja.
Gjithashtu është ndërprerë krejtësisht puna në gjithë administratën shtetërore, në sektorin bankar, në metronë e Athinës, tek trenat dhe te tramvajet, shërbimi urban punon me orar të kufizuar si dhe kanë ndryshuar oraret e fluturimeve.
Megjithëse për herë të dytë brenda një jave gjykata e ka konsideruar grevën e tyre të paligjshme, gjithë marinarët e 13 sindikatave të lundrimit kanë ndërprerë punën dhe anijet janë të ankoruara në porte.
Ndërkohë që të gjitha mediat greke, shtetërore dhe private heshtin për 24 orë, partia më e madhe opozitare “Syriza” ka theksuar në debatet e ashpra në parlament ditët e fundit se nuk do të lejojë kthimin e shoqërisë në shekullin e 19 dhe se ky projektligj tani do të aprovohet, kur ajo të vijë në pushtet do të jetë ligji i parë që do të ndryshojë.
Top Channel
