Pak para nisjes së seancës plenare ku do të votohet shkarkimi i Presidentit të Republikës, Ilir Meta, gazetarët janë mbledhur në dyert e Kuvendit në shenjë proteste.
Në fotot e siguruara nga Top Channel, shihet që gazetarët kanë vënë disa pankarta në shkallët e Kuvendit ku shkruhet: “Gazetari e lirë, shoqëri e lirë”, “Unë raportoj çfarë shoh jo çfarë më thonë” etj.
Protesta e gazetarëve vjen pas vendimit të rregullores së re nga Byroja e Kuvendit, i cili nuk lejon gazetarët të ndjekin aktivitetet e Kryesisë së Kuvendit nga afër.
Vendimi i miratuar pak ditë më parë edhe nga deputetët parashikon që mediet do e ndjekin aktivitetin e Kuvendit në një zyrë me kompjuterë që transmetohen në kohë reale aktivitetet, por që regjia bëhet nga Kuvendi.
Top Channel
