![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Departamenti i Drejtësisë ka rikuperuar shumicën e një pagese shumë milionëshe për hakerat pas një sulmi kibernetik që ndali funksionimin e operatorit të tubacionit më të madh të karburantit në vend muajin e kaluar, thanë zyrtarët të hënën.
Operacioni për të rikuperuar kriptovalutën nga grupi i hakerëve me bazë në Rusi besohet të jetë i pari i këtij lloji dhe pasqyron atë që zyrtarët amerikanë thonë se është një qasje gjithnjë e më agresive kundër kërcënimeve për shërblime që muajin e fundit ka vënë në shënjestër industri kritike në të gjithë botën.
“Duke vënë në shënjestër një ekosistem të tërë që nxit kërcënime për pagesa dhe monedhën dixhitale, ne do të vazhdojmë të përdorim të gjitha mjetet tona dhe të gjitha burimet tona për të rritur kostot dhe pasojat e sulmeve të këtij lloji dhe sulme të tjera kibernetike”, tha zëvendës Prokurorja e Përgjithshme, Lisa Monaco në një konferencë shtypi ku njoftoi për operacionin.
Gazsjellësi Kolonial me bazë në Xhorxhia që furnizon afërsisht gjysmën e karburantit për pjesën lindore të Shteteve të Bashkuara, ndërpreu përkohësisht operacionet më 7 maj pasi një bandë kriminale hakerash të njohur si DarkSide depërtuan në sistemin e tij kompjuterik. Zyrtarët kompanisë Colonial kanë thënë që ata e fikën sistemin e tubacionit përpara se sulmi të arrinte në sistemin e tij operativ dhe vendosën të paguajnë një shpërblim prej afro 4.4 milionë dollarësh në një përpjekje për të rifilluar operacionet sa më shpejt që të ishte e mundur.
Pjesa e pagesës me Bitcoin vlerësohet aktualisht në 2.3 milionë dollarë. FBI-ja në përgjithësi e dekurajon pagesën e shpërblimit, nga frika se mund të inkurajojë sulme të tjera të hakerave.
Top Channel