Një operacion antidrogë ka vënë në pranga një person nga Prishtina ndërsa janë sekuestruar 2.5 kg kokainë, 3 armë, karikator, qindra fishekë dhe dy mjete.
Ministri i Punëve të Brendshme të Kosovës, Xhelal Sveçla njoftoi se aksioni është realizuar nga policia e Prishtinës në koordinim me policinë gjermane.
Ai nuk ka dhënë detaje për personin e dyshuar të arrestuar dhe për ambientin ku u gjet sasia e lëndës narkotike, megjithatë sqaron se po punojnë për të luftuar tregtinë e paligjshme të drogës.
“Njësia antidrogë e rajonit të Prishtinës, në kordinim të plotë me policinë gjermane, realizuan aksionin e radhës që rezultoi me arrestimin e një të dyshuari në Prishtinë për kontrabandë me narkotik. Poashtu, policia konfiskoi edhe 2.5kg kokaine, 3 armë (revole, automatike), karikator, qindra fishekë, si dhe dy automjete.
Mbetemi të përkushtuar maksimalisht që të punojnë ngushtë me partnerët tanë për të parandaluar dhe luftuar, tregtinë e paligjshme të drogës dhe formave të tjera të rënda të krimit të organizuar ndërkombëtar”, shkroi Sveçla.
Top Channel
