LAJM I FUNDIT! Burimet: Kryeministri izraelit miraton “në parim” marrëveshjen e armëpushimit me Hezbollahun 25/11 13:20
Këto janë momentet shokuese kur një fermer i zemëruar përplas një makinë me traktorin e tij, e ngre atë në ajër dhe e lëshon me kokë poshtë, pas një konflikti dramatik për parkimin në Britani.
Të tjerë rezidentë të zemëruar thonin se dhjetra mjete parkohen duke bllokuar qarkullimin në zonën piktoreske pranë kështjellën ‘Barnard Castle’, në Durham, Britani.
Në pamjet dramatike të publikuara në rrjetet sociale shihej fermeri me pirunin e tij të verdhë që i afrohet makinës, teksa një burrë pa bluzë e regjistron me celularin e tij.
Fermeri më pas shton shpejtësinë teksa i afrohet makinës gri të parkuar, dhe nis ta shtyjë atë drejt rrugës kryesore.
Burri pa bluzë që filmon pirunin nis të godasë me shkelma rrotat e mjetit, por fermeri vazhdon të shtyjë makinën e parkuar, më pas e ngre atë në ajër dhe e përplas përtokë me kokë poshtë.
Autori i videos Jeremy Vine shkruante: “Shoferi i kishte bllokuar portën e fermës me makinën e tij.
“Shoferi ka një celular, ndërsa fermeri një viç-pirun. Kush mendoni se do të fitojë?”
Disa prej përdoruesve shihnin anën qesharake të ngjarjes duke shkruar: “Më pëlqen mënyra sesi fermeri kontrollon rrugën për makina të tjera para se ta përplasë me pirun”.
Një tjetër shkruante: “Edhe unë do të blej një pirun si ky! Janë bërë shumë pushues të zhveshur qe sillen në fshatin tonë!”
Një tjetër shkruante: “Është tokë private prandaj fermeri ka çdo të drejtë, por do të paguajë dëmet e makinës dhe daljen me pirun në një rrugë publike”.
Top Channel
