“Rreze shprese për rajonin”, nga SHBA te Irani dhe Kina, liderët botërorë mirëpresin armëpushimin në Liban 27/11 09:44
Vetëm pak pas lajmit se luftanija më e madhe iraniane u fundos në vazhdën e një zjarri të pashpjegueshëm në bord, flakët kanë pushtuar një rafineri të rëndësishme nafte në jug të kryeqytetit të Iranit, ku flitet për një rrjedhje gazi të lëngshëm, e cila gjithashtu nuk ka autor.
Gjuhët e flakëve dhe shtëllungat e mëdha të tymit mund të shiheshin në qiell nga përtej Teheranit, thanë korrespondentët e Agence France-Presse (AFP). Kreu i ekipit të krizës, Mansour Darajati foli për një aksident, të shkaktuar nga një rrjedhje në një linjë emergjence gazi të lëngshëm, që nxiti shpërthimin i cili solli më pas dhe fillimin e zjarrit, por nuk dha më shumë detaje.
Të mërkurën, anija më e madhe e marinës iraniane u fundos në rrethana ende të paqarta në Gjirin e Omanit pasi fillimisht u përfshi nga flakët. 20 marinarë nga një ekuipazh prej 400 vetësh, pësuan lëndime të lehta port ë gjithë u arrit të shpëtoheshin.
Zjarri shpërtheu në dhomën e motorit, tha marina, por nuk dha më shumë detaje. Anija stervitore mbante emrin e ishullit ku ndodhet terminali kryesor i naftës në Iran – Khargu. E prodhuar në Britani, ajo ka qenë pjesë e marinës iraniane që në vitin 1984.
Top Channel
