4 shtetas janë arrestuar sot në kryeqytet pasi sipas policisë kultivonin kanabis sativa në banesën e tyre.
Të dyshuarit janë 44-vjeçari, Skënder Ismaili, 37-vjeçari, Gerhard Duro, 30-vjeçari, Ervin Shametaj dhe i mituri J.V., 17 vjeç.
Sipas policisë, të dyshuarit kishin marrë me qira banesën e 30-vjeçarit, Ervin Shametaj dhe e kishin përshtatur si laborator droge.
Policia njofton se ka sekuestruar pajisjet e montuara në shtëpi për ndërtimin e laboratorit, fara dhe fidanë Kanabis.
Njoftim i policisë:
Kishin përshtatur banesën në një ambient të përshtatur si laborator, që shërbente për kultivimin e bimëve narkotike, vihen në pranga 4 persona.
Sekuestrohen pajisjet e montuara në banesën e përshtatur për kultivimin e bimëve narkotike,fara dhe fidanë canabis, 2 automjete dhe sende të tjera të kundraligjshme.
Strukturat e DVP Tiranë nën drejtimin e Prokurorisë në zbatim të planit të masave për kontrollin e territorit me qëllim parandalimin e kultivimit të canabisit si rezultat e një punë disa mujore kanë zhvilluar me sukses operacionin policor të koduar “Kimisti” në kuadër e të cilit u bë arrestimi në flagrancë për veprën penale “Kultivimi i bimëve narkotike” në bashkëpunim, të shtetasve : E. Sh., 30 vjeç, G.D., 37 vjeç, S. I., 44 vjeç dhe J. V., 17 vjeç.
Këta shtetas, në bashkëpunim me njëri-tjetrin, kishin përshtatur banesën e marrë me qira nga shtetasi E. Sh., me aparatura që shërbejnë për kultivimin e bimëve narkotike.
Gjatë kontrollit të banesës u gjetën fidanë të dyshuar narkotik kanabis, të kultivuar në kushte laboratorike, fara kanabisi dhe 1 peshore elektronike të cilat u sekuestruan në cilësinë e provës materiale.
Gjithashtu nga kontrolli i ushtruar në automjetet me të cilën këta shtetas qarkullonin u gjetën dhe u sekuestruan fidanë të dyshuar kanabis, të cilët u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Tiranë për veprime të mëtejshme.
Top Channel
