E PLOTË/ PS ftesë opozitës përmes draft rezolutës me 8 pika, Rama: Nuk mbroj asnjë! Reforma në drejtësi e pakthyeshme 07/05 22:40
Përballja në distancë përmes ekraneve televizive është e vetmja në garën e demokratëve partisë. Lulzim Basha, i cili synon mandatin e 3 të kryetarit ndahet me rivalët e tij për arsyet e humbjes së zgjedhjeve.
“Dorëzimi përball atyre që e konsiderojnë 25 prillin fitore të Ramës dhe jo masakër zgjedhore, mund të çoj në lidhjen e një përçarje në radhët tona. Ndaj, do të bëj gjithçka në dorën time për ta ndaluar këtë dhe ju kërkoj ju dhe të gjithë atyre që vendosin Partinë PD mbi veten e tyre dhe Shqipërinë mbi gjithçka, që mos t’ia lejojmë kundërshtarit këtë luks”, tha Basha.
Agron Shehaj mendon ndryshe. Ai e ka humbur besimin tek rikthimi i demokratëve në pushtet për sa kohë Lulzim Basha do jetë kryetar.
“Duhet të shohim të vërtetën në sy, zgjedhjet u humbën, ne nuk fituam. Nëse duam të fitojmë zgjedhjet duhet të ndryshojmë lidershipin e PD-së. Kjo është arsyeja pse unë kam shpallur kandidaturën për kryetar të Partisë Demokratike”, tha Shehaj.
Rivalët e Bashës këmbëngulin në reformimin e thellë të Partisë Demokratike.
“Unë besoj te bashkimi i Partisë Demokratike duhet të nisë me hapjen e partisë dhe bashkimin e të gjithë kontributeve nga vitet 90 dhe deri në vitet e fundit”, tha Harxhi.
“Që të ndryshojmë PD duhet të bashkojmë partinë, të afrojmë njerëzit. Ju ftojmë ta ndryshojmë drejtimin e partisë”, tha Kadilli.
Demokratët janë futur në një garë të brendshme pa kryer me parë analizën e humbjes së zgjedhjeve duke bërë që rezultati i 25 prillit të kthehet në piken kryesore te përplasjes mes tyre .
Top Channel
