Një shtetas grek 46 vjeç dhe një shtetas shqiptar 48 vjeç,u arrestuan gjatë orëve të natës në aksin që lidh qytetin e Kosturit me doganën e Kapshticës në Greqinë e Veriut.
Sipas policisë greke, dy të arrestuarit u ndaluan pasi në automjetin e tyte u gjet sasia prej 53 kg lëndë narkotike e llojit kanabis, si dhe shuma prej 3500 euro cash.
Policia thotë se kishte informacion për transportimin e lëndës narkotike, ndaj dhe ngriti postobllokë në disa pika të autostradës.
Dy të arrestruarit tentuan të largohen me vrap, por u arrestuan brenda pak minutash. Ata do të dërgohen në gjykatë për masë sigurie ,ndërsa hetimet do të vazhdohen prej departamentit të anti drogës së Kosturit.
Top Channel
