SHBA: Rusia po përshkallëzon konfliktin me praninë e trupave koreano-veriore 18/11 22:44
Mbretëresha britanike dukej në formë sot teksa vizitoi aeroplanmbajtësen e re gjigande të vendit, në daljen e saj të parë publike që prej rrëfimeve skandaloze të princit Harry për “makthin” e jetës në familjen mbretërore.
Monarkja vizitoi aeroplanmbajtësen me emrin e saj ‘HMS Queen Elizabeth’ para nisjes në misionin e saj të parë zyrtar me marinën, vetëm dy ditë pasi princi William dënoi rrjetin shtetëror televiziv BBC për përndjekjen e nënës së tij si dhe për “ditët e errëta të dhimbjes” pas vdekjes së saj ne 1997.
Por megjithë ngjarjet dramatike të javës mbretërore, ‘madhëria e saj’ mbante veshur sot një pallto të ndezur në ngjyrë të kuqe tulle, si dhe një spilë dekorative që i ishte dhuruar nga bashkëshorti i ndjerë Duka i Edinburgh.
Ky i fundit kishte shërbyer gjatë në marinën britanike gjatë Luftës së Dytë Botërore.
Mbretëresha vizitoi aeroplanmbajtësen 65,000-ton që kushtoi më shumë se 3 miliardë paundë, teksa përgatitet për nisjen në misionin e parë si pjesë e grupit të luftanijeve sulmuese.
Luftanija do të lundrojë drejt Lindjes së Mesme e ngarkuar me avionë gjuajtës F-35, duke kaluar përmes Kanalit të Suezit e më pas në Oqeanin Indian, e më tej drejt Detit të Filipineve.
Mjeti është më i madhi e më i fuqishmi i ndërtuar ndonjeherë nga marina britanike.
Mbretëresha u ngjit në bord pak pasi kryeministri Boris Johnson u takua me zyrtarët, duke inspektuar ekuipazhin dhe pergatitjet e misionit te ri.
Top Channel
