Vëzhgim nga hapësira për stuhitë diellore, sateliti i NASA-s niset për misionin e ri 26/06 11:36
Qindra trupa ushtarake të Belgjikës dhe vendeve fqinje janë duke kërkuar një ushtarak ‘anti-stabiliment’ të armatosur rëndë që është fshehur pas kërcënimeve me vdekje të zyrtarëve shëndetësorë dhe qeveritarë të Belgjikës.
Snajperi me eksperiencë i ushtrisë së Belgjikës, Jurgen Conings, i cili ka luftuar në disa zona konflikti si Afganistan, Irak e Liban, është zhdukur prej të hënës, pasi kishte dërguar letra kërcënuese ndaj disa zyrtarëve të lartë në vend.
E dashura e Conings, Gëendy, ishte ajo që lajmëroi autoritetet për zhdukjen e tij pasi gjeti letrat kërcënuese që kishte lënë, ku thuhej: “Nuk mund të jetoj dot më në një shoqëri ku politikanët dhe virologët po na marrin gjithçka, prandaj po i bashkohem rezistencës dhe nuk do të dorëzohem”.
Ushtaraku i stërvitur ka kërcënuar ministren e mbrojtjes së vendit Ludivine Dedonder, e cila tashmë është marrë nën mbrojtje, duke thënë: “Ju më stërvitët për t’u bërë ky që jam, dhe tani do ta përdor këtë kundër jush”.
Ministri i drejtësisë së vendit Vincent Van Quickenborne, tha: “Ai është përgatitur prej ditësh për këtë veprim, dhe duket se ka qenë pranë objektivit të tij kësaj jave, teksa ka qenë pranë shtëpisë së krye-virologut të vendit Van Ranst”.
E përditshmja De Morgen, shkruante më tej për përmbajtjen e letrave të lëna prej snajperit rebel: “E di se një ditë do të bëhem papritur armik i shtetit. Ata do të më kërkojnë dhe më pas … nuk e di nëse do të vdes apo jo, por do të jem në rrugën time”.
Deri sot (të shtunën) asnjë shenjë e Conings nuk është gjetur, por dhjetra grupe të rrjeteve sociale janë ngritur në mbështetje të tij, mes të tjerave dhe një petizion me titull “Lër Jurgen të jetojë.”
Ministrja e brendshme belg Annelies Verlinden kritikoi simpatinë për të arratisurin. “Njerëzit që e bëjnë atë hero apo personazh Rambo, gabohen rëndë. Ai njeri është i rrezikshëm dhe në një situatë të rrezikshme,” tha ajo.
Kësaj jave për kërkimet e tij ishin mobilizuar 400 trupa ushtarake belge, dhe forca shtesë nga Gjermania e Holanda fqinje, që po përdorim mjete teknologjike nga më të ndryshmet në kërkime. Burri besohet se fshihet në kufirin e përbashkët pyjor të tre vendeve.
Top Channel
