Televotimi me rezultatin më të ngushtë në BBV! Kush është më i preferuari mes Julit dhe Eglës 24/04 00:17
Rinumërimi i kutive në KAS
Rinumërimi i 114 kutive për qarkun Berat në Komisionin e Ankimimeve dhe Sanksioneve ka përfunduar ditën e sotme.
Diferenca midis PS dhe LSI është 58 vota nga 77 që ishte në fillim. LSI në këto kuti ka rikuperuar 15 vota, ndërsa PS ra me 18 vota.
Në orën 17:00 do të rinisë sërish seanca, ku do të jetë gati tabela përmbledhëse dhe të merret vendimi përfundimtar në KAS.
Do të dëgjohen pretendimet e palëve, nëse përputhen të dhënat apo do të ketë kërkesa të tjera. Gjithashtu do shihet nëse parregullsitë e gjetura mund të çojnë apo jo në hapjen e 277 kutive të votimit.
KAS la të hapur mundësinë e rinumërimit edhe të pjesës tjetër në rast se provohet deformim rezultati, pra ngushtim të diferencës apo ndryshim rezultati.
Kujtojmë se KAS mori vendimin një ditë më parë që të rihapen 114 kuti në qarkun e Beratit dhe të numërohen sërish votat.
LSI në kërkesën fillestare kërkoi hapjen e 114 kutive të votimit, por më pas kërkoi rinumërimin dhe rivlerësimin e 277 kutive të të gjithë qarkut të Beratit. PS mbështeti kërkesën e parë për 114 kutitë duke nënvizuar se nëse do të ketë ndryshim rezultati nga rinumërimi i këtyre kutive, do të rinumërohen të gjitha.
Një ditë më parë KAS vendosi me shumicë votash të anëtarëve që të rrëzojë kërkesat e PD dhe LSI për shpallje pavlefshmërie në Berat dhe rsa ps Gjirokastër.
ishte nNë lidhje me ankimimet për Qarkun Berat administrata e KQZ shqyrtoi materialet zgjedhore për 24 kuti për këtë qark, për të gjetur parregullsi me kërkesë të LSI-së.
Top Channel
