Debati mes gazetarit Carlo Bolino dhe Mark Markut në “Open” nuk janë ndalur teksa diskutonin për vjedhjen e votës.
Bolino tha se OSBE/ODIHR ka harruar të tregojë se është publikuar lista e patronazhistëve të PD, ndërsa Marku tregoi se listat e PS janë vjedhur nga e-albania.
Ndërsa Marku i kërkoi vazhdimisht që t’i thërriste mendjes, Bolino iu përgjigj duke i thënë se nuk i dëgjojnë ndërkombëtarët nëse përdorin këto teori.
Bolino: OSBE ODIHR ka harruar të tregojë se është publikuar edhe lista e patronazhistëve të PD. E kemi publikuar ne dhe shumë të tjerë.
Marku: Problemi nuk qëndron se kemi apo jo patronazhist. Të dhënat e PS janë vjedhur nga e-albania. E ngatërron faktin me qëllimin. Nuk blihen 200 mijë votues, por diferenca që con tek mandati.
Bolino: Ju me këto përralla mendoni se ju dëgjojnë ndërkombëtarët me “Rama ik”. Këto janë përralla që ndërkombëtarët nuk i dëgjojnë fare. Është e ditur.
Marku: Për shkak se u zbuluan vjedhje, Shqipëria nuk hyri në Europë.
Bolino: Iku kjo.
Marku: Po na ikën dhe 10 vjet duke pritur. O Carlo thirri mendjes. Aq shumë të kanë zënë shërbimet ndaj Ramës sa thua na ikën. Je dhe gazetar italian o burrë.
Top Channel
