Teksa na ndajnë vetëm pak orë nga zgjedhjet e 25 Prillit, në rrethin e Vlorës do të mungojnë 202 persona për shkak të koronavirusit.
Në bashkinë e Vlorës, 53 prej tyre janë të infektuar me Covid-19, ndërsa 127 të tjerë janë kontakte të tyre, të cilët janë të izoluar.
Në bashkinë Himarë për shkak të covid 19 nuk do të marrin pjesë 7 persona, 2 prej tyre aktiv dhe 5 kontakte të të infektuarve. Në bashkinë Selenicë 4 persona janë të prekur me koronavirus ndërsa 11 janë persona kontakti.
Kështu në tri bashki të rrethit të Vlorës në total 59 persona aktiv me virusin dhe 143 persona të kontaktit me të infektuarit,do të jenë të izoluar e pa të drejtë vote si pasojë e covid 19.
Ndërkohë mësohet se këto të dhëna do t’i përcillen Operatorit të kujdesit shëndetësor, i cili do t’i kalojë në në Drejtorinë Vendore të Policisë dhe do të jetë kjo e fundit që do të njoftojë qendrat e votimit.
Top Channel
