Tmerri jashtë gjyqit të Trump-it, ndërron jetë 37-vjeçari që i vuri flakën vetes (Foto) 20/04 09:47
Raúl Castro (djathtas) tha se eshte i mundur "dialog i respektueshem" me SHBA
Partia komuniste e Kubës ka shpallur se Miguel Díaz-Canel do të pasojë Raúl Castro si kryetar dhe udhëheqës i vendit.
Díaz-Canel, i cili në 2018 pasoi Castro si president i vendit, ishte parashikuar më herët si figurë me influencë në parti.
Ky tranzicion do të thotë se ishulli do të qeveriset për herë të parë nga dikush tjetër përveç Fidel e Raúl Castro, që prej revolucionit komunist në 1959.
Díaz-Canel konsiderohet si besnik ndaj vëllesërve Castro dhe ndaj modelit të tyre ekonomik.
Duke folur dje për Díaz-Canel, Raúl Castro tha se do të dorëzojë udhëheqjen te një gjeneratë e re “plot pasion dhe frymë anti-imperialiste”.
60 vjeçari Díaz-Canel është rreth 30 vjet më i ri se pararendësi i tij.
89 vjeçari Raúl Castro kishte qenë në post prej vitit 2011, kur mori stafetën nga vëllai i tij i madh Fidel Castro.
Miguel Díaz-Canel ishte zgjedhja logjike si pasues i Raúl Castro si besnik i modelit të tij të socializmit shtetëror.
Por duke parë gjendjen e vështirë ekonomike në vend Diaz-Canel mund të detyrohet të hapë më shumë ekonominë e centralizuar të vendit, shkruan BBC.
Ai nisi karrierën e tij që prej të 20-ave si anëtar i Ligës Komuniste në Santa Clara, qyteti i dominuar nga mauzoleumi i legjendes anti-imperialiste Che Guevara, i cili ka luftuar bashkë me vëllezërit Castro në revolucionin kuban.
Në vitin 2013, Diaz-Canel u bë president i Këshillit të Shtetit, dhe pesë vjet më vonë në 2018, u zgjodh president.
Nën presidencën e Díaz-Canel Kuba ka ruajtur marrëdhënie të mira me Korenë e Veriut, Kinën, Rusinë, Bolivinë e Venezuelën.
Top Channel
