Rusia sulm masiv ndaj infrastrukturës energjetike në Ukrainë/ Miliona njerëz pa energji elektrike 28/11 18:37
“Merrni përsipër përgjegjësitë tuaja”, i thotë Kina të Dërguarit të Klimës në SHBA, John Kerry.
Ish-Sekretari i Shtetit i Shteteve të Bashkuara (2013-2017) Barack Obama po bën vizitën e parë në Kinë të një zyrtari të lartë të administratës Biden në Shangai (lindje) të mërkurën.
Udhëtimi i Kerry kishte për qëllim përgatitjen për samitin që do të mbahet live për klimën, javën e ardhshme, të iniciuar nga Joe Biden. Diskutimet në të cilat Pekini dhe Washingtoni pritet të lënë përkohësisht mënjanë dallimet e tyre të shumta.
“Kina i kushton një rëndësi të madhe dialogut dhe bashkëpunimit me Shtetet e Bashkuara mbi ndryshimin e klimës”, i tha Zëvendës Kryeministri kinez, Han Zheng të dërguarit të SHBA dje, sipas Agjencisë Shtetërore të Lajmeve të Kinës.
“Ne mirëpresim kthimin e Shteteve të Bashkuara në Marrëveshjen e Parisit. Ne presim që ata të sigurojnë këtë marrëveshje, të marrin përgjegjësitë e tyre dhe të japin kontributet e nevojshme“, tha Hahn nga Pekini gjatë një telekonference me Kerry.
Në ditën e tij të parë në Shtëpinë e Bardhë në 20 Janar, Joe Biden nënshkroi një dekret mbi kthimin e Shteteve të Bashkuara në Marrëveshjen e Klimës në Paris, e cila u braktis nga Donald Trump katër vjet më parë.
“Në asnjë mënyrë nuk është një kthim triumfues. Ai është ndoshta një student i keq që kthehet në shkollë pasi ka humbur mësimet”, u tha gazetarëve Zhao Lijian, një zëdhënës i diplomacisë kineze të enjten, duke përmbledhur pozicionin e Pekinit.
Në të njëjtën kohë, ai i bëri thirrje Uashingtonit të “shpjegojë se si të plotësohet boshllëku i lënë katër vjet më parë”, veçanërisht në drejtim të financimit për Fondin e Klimës së Gjelbër, një mekanizëm i KB që synon transferimin e fondeve nga vendet e pasura tek ata.
Para udhëtimit të tij, John Kerry e përshkroi bashkëpunimin klimatik me Kinën si të rëndësishëm. Vendi aziatik aktualisht renditet në numra absolutë i pari në botë në emetimet e gazeve serë. Pavarësisht tensioneve kino-amerikane, nga tregtia në Hong Kong, nga Tajvani te fati i myslimanëve ujgurë në Kinë, bashkëpunimi Pekin-Uashington është thelbësor për suksesin e iniciativave klimatike.
Top Channel
