Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 19/12 22:54
Mbetje të reja të paprishura të zbuluara në Marok, kanë ndihmuar studiuesit të rikrijojnë strukturat skeletore.
Pterosaurët, një nga kafshët e para vertebrore në tokë që mësoi të fluturojë, konsiderohet si një nga kushërinjtë e Tiranosaurit famëkeq.
Tashmë shkencëtarët duket se kanë zbuluar një sekret 100 milionë vjeçar për suksesin e pterosaurit fluturues, dhe kjo është qafa e tij më e gjatë se e xhirafës së sotme.
Palaeontologët e universitetit të Portsmouth asnjë herë nuk kishin kuptuar se si pterosaurët ‘azhdarkidë’ arrinin të mbanin qafën e tyre gjatë fluturimit, madje duke mbajtur prenë e tyre të rëndë.
Pas skanimeve të imtësishme të mbetjeve të gjetura në Marok, misteri duket se është zgjidhur.
Zbulimet e publikuara në rrjetin iScience, tregojnë imazhe komplekse të strukturave në formë heliksi rreth një tubi qendror, të ngjashme me telat e rrotës së biçikletës.
Struktura e kockave mbeshtetese ne forme rrote biciklete
Ky dizajn besohet se demonstron sesi zvarranikët gjigandë fluturonin duke mbajtur lart kokën e tyre masive që arrinte deri në 1.5 metra e gjerë.
Dave Martill, profesor paleo-biologjie në Portsmouth, tha: “Kjo është ndryshe nga gjithçka kishim parë deri tani në vertebrat e një kafshe. Tubi neural është i vendosur në qendër të vertebrave dhe lidhet me muret e jashtme me një numër të madh kockash si shufra, të rregulluara në formë rrethore si telat e rrotës së biçikletës”.
“Madje ato kryqëzohen ashtu si telat e biçikletës, në fenomenin që evolucioni i bëri krijesat e mrekullueshme të fluturojnë”.
Studiuesit ishin nisur të studionin formën dhe lëvizjet në qafën e pterosaurit por analizat treguan se 50 nga “shifrat” në qafën e pterosaurit sillnin një rritje prej 90% në rezistencën e strukturës.
Shkencëtarët tashmë besojnë se ky dizajn mund të ndihmojë inxhinierët e sotëm të krijojë struktura më të gjata, më të holla e më të lehta ndërtimi.
Cariad Williams, një nga autorët e raportit tha: “Qafa e këtyre kafshëve ishte shumë e gjatë, dhe në disa specie vertebra e pestë nga koka ishte e gjatë sa trupi i kafshës”.
“Kjo bën që struktura e xhirafës të duket normale. Ne donim të dinim se si funksiononte kjo qafë kaq e gjatë pasi mes vertebrave kishte shumë lëvizshmëri”.
Pterosaurët janë shfaqur në fosilet e epokës Triasike, rreth 225 milionë vjet më parë, por u zhdukën në fund të epokës Kretaceane, rreth 66mln vjet më parë së bashku me të gjithë kushërintë e tyre dinosaurë.
Top Channel
