Princi Philip nderohet me të shtëna topi në të gjithë Britaninë, mbretëresha mban zi (fotot)

10/04/2021 16:55

Princi britanik Philip, bashkëshorti i ndjerë i mbretëreshës Elisabeth II, është nderuar sot me një seri të shtënash topi në qytetet kryesore të vendit si Londra, Edinburg në Skoci, Cardiff në Uells dhe Belfast në Irlandën e Veriut, si dhe gjuajtje artilerie nga luftanijet britanike në det.

I njohur gjithashtu si Duka i Edinburgh, vdiq në kështjellën mbretërore Windsor të premten më 9 prill.

Bateritë e artilerisë qëlluan 41 goditje, nga një në çdo minute në të gjithë qytetet kryesore.

Të shtëna u lëshuan dhe nga luftanijet britanike HMS Diamond, HMS Montrose dhe HMNB pranë bazës së Portsmouth.

Regjimenti i Gjibraltarit, territori britanik në ujërat pranë SPanjës, gjithashtu iu bashkua përshendetjeve të artilerisë.

Duka i Edinburgh ishte ushtarak i vjetër i marinës britanike.

Princ Philip kishte studiuar në kolegjin e marinës në Dartmouth ku ishte shpallur “kadeti më i mirë” para se të merrte komandën e luftanijes HMS Magpie.

Ai ishte lavdëruar për betejën e Cape Matapan kundër flotës italiane në mars 1941 dhe kishte fituar Kryqin Grek të Trimërisë.

Princ Philip u martua me mbretëreshën ne 20nentor, 1947 dhe qëndroi përkrah saj për 73-vjet.

FOTO GALERI
1/8
Londer

Top Channel