Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Plot 8 qytete pritëse të Kampionatit Europian kanë dhënë miratimin zyrtar për të lejuar praninë e pjesshme të tifozëve në stadiume, gjatë eventit më të rëndësishëm futbollistik në kontinent, ndërsa UEFA mbetet në pritje të përgjigjes nga 4 qytete të tjera.
Roma, Monaco, Bilbao dhe Dublini kanë afat deri më 19 prill që të diskutojnë ende me autoritetet shtetërore e shëndetësore, për të marrë miratimin me shkrim për hapjen e stadiumeve në masën minimale prej 25-30% të kapacitetit.
Synimi i UEFA-s është që të gjithë ndeshjet e Kampionatit Europian të luhen me praninë e publikut në shkallët e stadiumit dhe Shën Petërburgu, Budapesti, Bakuja, Amsterdami, Bukureshti, Kopenhageni, Gllasgou dhe Londra kanë dhënë miratimin për hapjen e impianteve që do të presin takimet këtë verë.
Edhe katër qytetet pritëse si Roma, Dublini, Monaco e Bilbao kanë marrë një miratim paraprak për hapjen e stadiumeve, por UEFA u ka dhënë afat deri më 19 prill që të kompletojnë dosjen me lejen zyrtare për praninë e tifozëve në ndeshjet që do të presin stadiumet e tyre.
Top Channel
