Raporti i DASH, opozita në Kosovë kritikon qeverinë: Po mbroni korrupsionin 02/05 13:37
Presidentja e re e Kosovës, Vjosa Osmani bëri homazhe pranë varrezave të familjes Jashari në Prekaz. Me këtë vizitë, Osmani nisi praktikisht ditën e saj të parë të punës si kryetare e shtetit.
Ndërkohë, tek Memorial i të pagjeturve në Prishtinë, Osmani përmendi dhe dialogun me Beogradin, duke theksuar se çështja e të pagjeturve do të konsiderohet prioritet kryesor. Ajo i përshkroi të pagjeturit si një plagë të hapur për Kosovën dhe një dhimbje të madhe për të gjithë.
Përsa kohë nuk ka drejtësi për të gjithë viktimat e luftës, ishte komenti i saj, vështirë të mendohet paqja, duke i bërë jehonë kështu edhe një herë deklaratave që bëri kur u konfirmua në këtë detyrë nga Parlamenti.
Vjosa Osmani e mori më herët detyrën e re përmes një ceremonie të shkurtër, dy ditë pasi që parlamenti 120 vendesh i Kosovës e zgjodhi atë me 71 vota.
Top Channel
