Atentat ndaj 37-vjeçarit në Prizren, autori e qëlloi në lëvizje dhe u arratis 18/05 08:47
Nje pjesë e punonjësve shëndetësorë në Kosovë që morën vaksinën e Astrazeneca-s, kanë pasur efekte anësore, të cilat nuk ishin megjithatë të rënda.
Ata rrëfyen se në ditët e para pas vaksinimit kishin temperaturë, lodhje e ndonjë reaksion tjetër, por gjendja në përgjithësi është e mirë. Mediat vendase raportojnë se të tilla simptoma vlerësohen si normale pas marrjes së vaksinës antiCovid.
Vetë kryetari i Odës së Mjekëve të Kosovës, Pleurat Sejdiu, tha kishte pasur ethe e disa simptoma të tjera, të cilat i cilësoi megjithatë si të menaxhueshme.
“Ishim lajmëruar më parë për simptoma të tilla, dhe nuk i konsideroj si diçka serioze”, u shpreh ai. askush tjetër nga personat e vaksinuar, nga sa theksoi Sejdiu nuk ka paraqitur ndonjë ankesë për përkeqësim të gjendjes shëndetësore. Nga ministria vendase e Shëndetësisë po ashtu konfirmohet se deri tani, nuk ka pasur asnjë raportim për efekte të rënda pas marrjes se AstraZeneca-s, ndërsa situata vazhdon të mbahet nën monitorim.
Top Channel
