Përmbytjet nga ndryshimi i klimës, Brazili “në gjunjë” nga stuhia me dhjetëra të vdekur! Mijëra persona pa shtëpi
06/05 12:56
Qindra gra transgjinore në Tailandë kanë marrë sot konfirmimin se nuk janë të detyruara të kryejnë shërbimin ushtarak, pasi duhet të paraqiteshin në takimet e rekrutimit të burrave.
Në Tailande çdo mashkull me moshë 21 vjeç ose më shumë duhet të bëjë regjistrimin fizik në ‘llotarinë’ e rekrutimit për shërbimin dy-vjeçar ushtarak, para se të zgjidhet sipas rastit nga zyrtarët e ushtrise.
Gratë transgjinore, të cilat janë ‘mashkull’ në çertifikatat e lindjes, janë të detyruara të marrin pjesë në eventet e rekrutimit për të provuar gjininë e tyre të re, me të cilët fitojnë përjashtimin nga ushtria, pasi gratë transgjinore nuk lejohen në ushtrinë e Tailandës.
Mes tyre ishte dhe fituesja e konkurseve të bukurisë, 23 vjeçarja Narisara Aonwang, e cila erdhi në qendrën e rekrutimit për të provuar se kishte ndryshuar seksin.
Ajo tha: “Nuk kam frikë të kryej shërbimin ushtarak madje dëshiroj ta bëj, por ushtria tailandeze ende diskriminon ndaj femrave si unë”.
“Ne duhet të kemi të drejta si të gjitha gratë e tjera. Nëse do të na lejojnë, edhe ne të rekrutohemi unë do të jem e para për t’u regjistruar”.
Narisara paraqitet për të tretin vit radhazi në event për të provuar gjininë e saj, dhe do të duhet ta bëjë këtë deri në moshën 26-vjeçare.
Në diten e parë të regjistrimit në Phitsanulok, 284 të rinj u paraqitën por vetëm 67 u pranuan në ushtri. Prindërit e të përjashtuarve brohorisnin jashtë qendrës së rekrutimit.
Tetë për qind e popullatës së Tailandes është regjistruar si transgjinore ose LGBT, megjithë kufizimet e të drejtave të tyre.
Përvec përjashtimit nga ushtria ky komunitet nuk merr avantazhet që çiftet heteroseksuale marrin pas martesës.
Top Channel
