Arrestimi i Ilir Metës, Partia e Lirisë njofton protestë para SPAK. Ish-presidenti letër nga qelia! 25/11 19:02
Kryeministri Edi Rama
Edi Rama ka reaguar ndaj Lulzim Bashës, i cili ka mbledhur dhjetëra njerëz gjatë ditës së sotme në qytetin e Fierit në kuadër të fushatës elektorale për zgjedhjet e 25 prillit. Aty u grumbulluan simpatizantët e PD-së duke mos respektuar rregullat e Covid-19 si dhe nuk mungoi vargu me makina që shoqëronte kreun e opozitës.
Me anë të një shkrimi në Twitter, Rama thotë: “O lula unë jam i frikësuar për njerëzit tuaj që i bëni mish për top me grumbullimet e turpshme të papërgjegjshmërisë suaj, duke mbledhur njerëz të verbër me makina e me bori, që virusi të bëjë dasëm teksa dhëndri juaj premton ta bëjë ditën natë! Premtim i mbajtur fatkeqësisht!”
Rama i është përgjigjur reagimit të PD, ku thuhet se Rama ndihet i frikësuar nga qytetarët e Shqipërisë që duan të sjellin ndryshimin.
“Rama ndihet i frikësuar nga qytetarët e Shqipërisë që duan të sjellin ndryshimin që i nevojitet vendit tonë.
Ka vetëm dy mundësi: një lider që punon për ju, për të sjellë ndryshimin që i nevojitet Shqipërisë, për t’i përmirësuar jetët tona, ose Rama i cili dështoi për 8 vite dhe ua dha Shqipërinë oligarkëve.
Më 25 prill, Shqipëria do të fitojë dhe Rama do të humbë”, thuhet në reagimin e PD.
Top Channel
