“Shtëllunga e fjalëve të tua…”/ Përplasje e fortë mes Ori Nebiajt dhe Eglës: Po kur të mbroja ty, si të dukeshin fjalët e mia 30/04 22:10
Pjesëmarrja masive e mbështetësve të PD në Fier e Roskovec, pa maska dhe duke mos respektuar distancimin social në takimet elektorale të Lulzim Bashës , u përdorën nga kryesocialisti Edi Rama jo vetëm për të rritur ndërgjegjësimin por edhe për të ironizuar kryedemokotin.
“O lula unë jam i frikësuar për njerëzit tuaj që i bëni mish për top me grumbullimet e turpshme të papërgjegjshmërisë suaj, duke mbledhur njerëz të verbër me makina e me bori, që virusi të bëjë dasmë teksa dhëndri juaj premton ta bëjë ditën natë! Premtim i mbajtur fatkeqësisht!”, tha Rama.
Lulzim Basha iu përgjigj Edi Ramës përmes dy reagimeve të zyrës së shtypit nga selia blu të cilat janë tërësisht politike dhe asnjë fjalë për mos-respektimin e rregullave anti-covid. Për PD ajo çka thotë Rama është keq-informim.
“Rama ndihet i frikësuar nga qytetarët e Shqipërisë që duan të sjellin ndryshimin që i nevojitet vendit tonë. Rama e di qё do tё humbasё, ndaj po përpiqet tё sulmojë takimet tona elektorale duke pёrdorur pretendime tё rreme. Rama e di qё askush nuk mund t’i ndalojё qytetarët shqiptarё, qё duan ndryshim dhe kjo e shqetëson atё. Partia jonё funksionon si çdo parti nё Shqipёri nё zbatim tё ligjit dhe nё mёnyrё demokratike”, tha ai.
Top Channel
