Pesë persona janë arrestuar për vepra të ndryshme penale në Tiranë.
H. M., 34 vjeç u arrestua pasi ishte shpallur në kërkim për veprën penale “Dhuna në familje”.
F. L., 61 vjeç është arrestuar pasi u kap duke drejtuar mjetin pa lejen përkatëse. A. Ll., 22 vjeç u arrestua pasi ka aksidentuar biçiklistin shtetasin F. Xh., 47 vjeç, i cili ndodhet në spital, nën kujdesin e mjekëve.
Ndërsa B. B., 38 vjeç dhe R. Gj., 55 vjeç, u prangosën pasi u kapën duke drejtuar mjetet përkatëse në gjendje të dehur.
Tiranë
Arrestohen në flagrancë 5 shtetas, për vepra të ndryshme penale. Nga specialistët për Hetimin e Krimit në Komisariatin e Policisë Nr.4 u bë arrestimi në flagrancë i shtetasit H. M., 34 vjeç, i shpallur në kërkim për veprën penale “Dhuna në familje”. Specialistët e Qarkullimit Rrugor bënë arrestimin në flagrancë të shtetasve : F. L., 61 vjeç, pasi u kap duke drejtuar mjetin pa lejen përkatëse ; A. Ll., 22 vjeç, pasi ka aksidentuar biçiklistin shtetasin F. Xh., 47 vjeç, i cili ndodhet në spital, nën kujdesin e mjekëve ; B. B., 38 vjeç dhe R. Gj., 55 vjeç, pasi u kapën duke drejtuar mjetet përkatëse në gjendje të dehur. Materialet i kaluan Prokurorisë së Rrethit Gjyqësor Tiranë, për veprime të mëtejshme.
Top Channel
