Një tjetër aks i Unazës së Madhe të Tiranës është hapur për qarkullimin e automjeteve.
Që prej orës 14:00, segmenti nga Rrethrrotullimi i TEG deri tek mbikalimi i Farkës është i aksesueshëm për të gjitha automjetet.
Ministrja Belinda Balluku dhe Drejtori ARRSH, Ergys Verdho inspektuan ditën e sotme përfundimin e punimeve në këtë lot.
“Sot ndodhemi në lotin e parë dhe këtu jemi në mbikalimin e Farkës, kjo lidhje do të bëjë shfryrjen e trafikut për të gjithë zonën. Kjo është një zonë e banuar dhe kemi zhvilluar dialog të hapur me banorët e zonës. Po i japim një zgjidhje që të hapim edhe një rrugë dytësore për banorët për rrugët ndërlidhëse”, tha Balluku.
Top Channel
