Vaksinimi, kthehen refuzuesit/ Mësuesit në gjithë vendin po marrin vaksinën AstraZeneca
19/03/2021 15:16
Ferma e hashashit në Berat, caktohet arrest me burg për nëntë persona nën hetim! Çfarë zbuluan hetimet e SPAK 25/04 15:25
Rreth 400 mësues të shkollave të Durrësit janë vaksinuar gjatë kësaj jave, ndërsa pas vendimit të EMA-s interes kanë shfaqur edhe mësues që fillimisht kanë hezituar për t’u përfshirë në procesin e vaksinimit.
Ditën e premte përveç 186 mësuesve të 14 shkollave të qytetit e fshatit që ishin parashikuar kanë mbërritur pranë qendrës së vaksinimit edhe mësues që patën refuzuar disa ditë më parë. Të shtunën ky proces do të vijojë në bashkinë e Shijakut.
Nga 1000 mësues që ka në total, Lezha deri në këto momente 250 prej tyre e kanë marrë vaksinën AstraZeneca.
Pas lajmit të publikuar nga EMA se vaksina AstraZeneca është një vaksinë e sigurtë gjatë ditës së sotme në Lezhë ka patur një rritje të interesit nga ana e mësuesve për ta marrë vaksinën.
Në total në Lezhë janë vaksinuar 694 persona dhe tashmë vaksinimi ka nisur dhe në tre qendra shëndetësore në Kallmet, Dajç dhe Kolsh.
Top Channel
