Akuzohen si spiunë të Rusisë, dalin para drejtësisë tre shtetasit bullgarë në Britani 28/11 16:30
Pas konfirmimit të Rregullatorit Europian të Shëndetësisë, EMA, se vaksina e AstraZeneca-s është e sigurt dhe efikase, shtetet kryesore të BE-së kanë vendosur të rinisin, pa humbur kohë, imunizimin me këtë vaksinë.
Agjencia Europiane e Barnave e rishikoi dhe një herë vaksinën pasi 13 shtete anëtare të bllokut e pezulluan përdorimin e saj, nga frika se shkakton mpiksje gjaku. EMA doli në përfundimin se vaksina nuk lidhet me ndonjë rrezikshmëri më të lartë të mpiksjes së gjakut.
“Rreth 7 milionë vetë kanë marrë në BE vaksinën e AstraZenecas dhe 11 milionë vetë janë vaksinuar me të në Mbretërinë e Bashkuar, ndërsa ka një shtim të përdorimit edhe në vende të tjera. Është shumë e rëndësishme që të gjitha efektet anësore të monitorohen. Por ne vumë re se numri i trombozave të raportuara pas vaksinimit është më i ulët nga sa pritej në popullatën e gjerë”, deklaroi shefja e EMA-s, Emer Cooke.
Gjermania, Franca, Italia dhe Spanja njoftuan se do të rinisin përdorimin e vaksinës. Praktikisht, u takon shteteve individuale të BE-së që të vendosin nëse duan dhe kur duan ta rinisin imunizimin me AstraZeneca.
Danimarka u bë javën e kaluar vendi i parë që ndaloi përdorimin e vaksinës pas raporteve për mpiksje gjaku te disa njerëz. Një person vdiq, si pasojë e trombozave të shumta, dhjetë ditë pasi kishte marrë dozën e parë të saj. Autoritetet shëndetësore daneze kanë thënë se pezullimi do të zgjasë së paku dy javë, derisa rastet të hetohen.
Top Channel
