Mori çantën e shpinës me dhurata në stacionin e trenit, Parashqevi Simaku i bëri kërkesën e çuditshme gazetares: A mund të më gjeni…?
24/12 15:40
Sot në “Ftesë në 5” me Bieta Sulon u trajtua historia e Ana Tafilit, durrsakja që prej katër vitesh po lufton me kancerin.
Ana tregoi se prej fillimit e kishte një parandjenjë dhe pasi bëri grafinë u diagnostikua me kancer, si për ironi të fatit në ditëlindjen e të birit.
“Kam kryer 2 operacione dhe 36 kemio. 13 orë njëri operacion. Akoma unë do vazhdoj gjithë jetën time duke bërë kemio. Kjo që më ka ndodhur mua nuk dua t’i ndodhë asnjë vajze apo gruaje, se nëse ka mundësi t’i japim pak të njohur këtij lloji kanceri”, tha ndër të tjera ajo.
E teksa iu bëri thirrje të gjitha grave të mos e lënë pas dore shëndetin dhe kontrollet periodike, Ana nuk ngurroi që për një moment të hiqte paruken.
“Ky është realiteti i kancerit. Ju e menduat që mund të kisha një paruke, sepse duke më rënë flokët dy ditë më parë është normale që unë nuk kam flokë më. Por mendoj që feminiliteti i një vajzë nuk është te flokët, por brenda zemrës”, përfundoi Ana.
Top Channel
