Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Për më shumë se një vit nuk ishte mbajtur asnjë seancë për rastin ndaj Ukë Rugovës dhe katër të tjerëve që dyshohen për skandalin me viza italiane, edhe sot dështoi seanca gjyqësore e cila nisi rishtazi pasi kishte ndryshuar trupi gjykues. Seanca e radhës u caktua të mbahet më 30 mars nga ora 13:15.
Në këtë rast akuzohen Ukë Rugova, Astrit Haraqija, Qefser Baholli, Izet Beqiri dhe Florian Petani.
Seanca dështoi pasi avokati, Besnik Berisha i cili e mbron të akuzuarin Izet Beqirin, ishte i caktuar në një seancë tjetër dhe kërkoi që të vazhdojë në rastin tjetër.
“Unë jam këtu si përkohësisht pasi kishim një konflikt me orare meqenëse ftesën e kemi pranuar me vonesë për këtë seancë. Kam në sallën 17 një shqyrtim gjyqësor i cili është në përfundim dhe besoj që sot mbarojmë nëse kjo gjykatë e nderuar ka planifikuar të vazhdojë tutje përtej fjalës hyrëse do kërkoj ndërprerjen e saj në kushte që të mbarojë andej nëse ju keni plan deri aty do përpiqem të bëjë zëvendësim edhe pse duhet kohë më dhënë në dispozicion së paku deri në pjesën e formaliteteve”, tha Berisha.
Kryetarja e trupit gjykues, Fatmire Dermaku ndërsa bëri të ditur se më 30 mars 2021 është caktuar seanca tjetër e radhës për këtë rast, tha se duhet të vazhdohet me seanca pasi që çështja është prolonguar tepër.
Ajo u ka tërhequr vërejtën të gjitha palëve se nuk mund të mungojnë asnjëri në seancën e 30 marsit.
“Gjithsesi do fillojmë sot me procedurën, do vazhdojmë një nga një të pandehurit do i legjitimojmë edhe njëherë pastaj shohim. Të gjithëve iu njoftoj se seancën e radhës e kam caktuar edhe për datën 30 mars, nuk toleroj asnjë mungesë, jemi gjykatë, kemi me proceduar me këtë çështje, është prolonguar tepër kështu që vazhdojmë sot deri aty ku arrijmë”, theksoi ajo.
Derisa, kryesuesja e trupit gjykues kërkoi pauzë 10 minutëshe, në sallë u kthye avokati, Besnik Berisha i cili tregoi se sot nuk mund të marrë pjesë në këtë seancë dhe më pas trupi gjykues mori vendim që seanca të mbyllet pasi nuk kishte kushte për vazhdim.
“Seanca e sotme gjyqësore ndërpritet dhe vazhdon më 30 mars 2021 në orën 13:15, të pranishmëve njoftimi do iu shërbej si ftesë e rregullt”, u shpreh Dermaku.
Djali i ish-presidentit Ibrahim Rugova, Ukë Rugova, ish-ministri i Kulturës, Astrit Haraqija, Qefser Baholli, Izet Beqiri dhe Florian Petani akuzohen se në bashkëpunim me 15 të akuzuar të tjerë ndërtuan një skemë e cila kundërligjshëm u siguroi të paktën 500 personave viza italiane.
Në këtë proces gjyqësor janë gjithsej 20 të akuzuar, mirëpo për këta pesë të akuzuarit është veçuar procedura për qëllim të ekonomizimit duke u njohur si rasti “Ukë Rugova 1”, ndërsa për 15 të akuzuarit e tjerë procesi gjyqësor njihet si “Ukë Rugova 2”.
Lidhur me këtë proces penal nga Prokuroria Speciale janë propozuar 178 dëshmitarë, 70 prej te cilëve kanë të bëjnë me rastin “Ukë Rugova 1”.
Po ashtu edhe të akuzuarit e tjerë të këtij procesi penal të ndarë në “Ukë Rugova 2” janë deklaruar të pafajshëm
Top Channel
