Kosova jashtë agjendës së KiE/ Anëtarësimi mungon në axhendë, kushti për qeverinë Kurti mbetet Asociacioni 16/04 20:04
Kosova nuk ndryshon masat anti covid ndërkohë që në fund të muajit pritet të mbërrijnë 33 mijë doza të vaksinave nga grupi i “COVAX”.
Kryeministri në detyrë i republikës së Kosovës, z. Avdullah Hoti, pas takimit me ministrin në detyrë të Shëndetësisë, z. Armend Zemaj, drejtorin e IKSHPK-së, z. Naser Ramadani dhe me drejtorin e SHSKUK-së, z. Valbon Krasniqi, kanë vendosur që të mbesin në fuqi masat e njëjta anti Covid-19.
Në këtë takim u theksua se institucionet shëndetësore po funksionojnë me kapacitete të plota, furnizimi me barna është i qëndrueshëm, ndërsa deri në fund të muajit pritet të arrijë kontingjenti i parë prej 33 mijë dozave të vaksinës COVAX dhe menjëherë të fillojë vaksinimi i qytetarëve.
Nga qytetarët u kërkua që të respektojnë distancën fizike, të përdorin maskat dhe të mirëmbajnë higjienën personale. Ndërsa institucionet përgjegjëse të shtojnë angazhimin për parandalimin, menaxhimin dhe kontrollin e infeksionit Covid 19 përmes respektimit rigoroz të masave në fuqi.
Më herët, në 22 shkurt u morr vendimi për lehtësimin e masave, ku në komunat që nuk janë zonë e kuqe nuk ka orë policore, ndërsa në zonat e kuqe, lejohet lëvizja deri në orën 22:00.
Top Channel
