Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Leipzig nuk i ndahet Bayernit dhe mban gjallë shpresat për të fituar titullin e saj të parë në histori në Bundesliga, falë një suksesi fantastik me përmbysje ndaj Borussia Monchengladbach.
Skuadra e Julian Nagelsmann edhe pse e pa veten në disavantazh të dyfishtë pas golave të Hoffman me penallti dhe Marcus Thuram, pas vetëm 19 minutash, arriti të realizonte tre herë në fraksionin e dytë.
Fillimisht Leipzig-ut iu anulua një gol nga sistemi VAR në minutën e 50-të për prekje të topit me dorë nga Sorloth. Por shumë shpejtë vendasit gjetën golin që ngushtoi diferencën në 1-2 me Nkunku në minutën e 57-të, ndërkohë që danezi Poulsen në të 66-ën dhe shtatlarti norvegjez Sorloth në të 93-ën arritën të realizonin dy golat që e kthyen rezultatin në favor të Leipzig, për një fitore të madhe me shifrat 3-2 të skuadrës së Nagelsmann që e mbajti Leipzig vetëm 2 pikë pas Bayernit kryesues.
Top Channel
