Aston Villa me sytë nga Serie A, synon argjentinasin e Juventusit 05/05 00:02
Vllaznia-Tirana veçse është klasikja e futbollit shqiptar është padyshim dhe një nga superndeshjet e kësaj jave të 21-të së Superligës. Të dyja skuadrat vijnë nga momente jo të mira që i duhet kthesa me doemos në këtë takim të së shtunës edhe pse synimet janë të ndryshme.
Tomas Berdaric: Po e presim mirë, jemi përgatitur. E dimë rëndësinë e saj dhe sesi shkodranët me zor e presin. Do hymë në fushë për të marrë tri pikët. Unë e bazoj këtë vendosmëri në sjelljen e skuadrës, te lojtarët e mi. E dimë se në javët e fundit nuk kemi bërë atë që të gjithë kanë pritur. Kemi punuar mirë për të përgatitur ndeshjen e nesërme dhe kam parë ekipin gjatë javës.
Ndërkohë tek Tirana është rikthyer trajneri Shehi i cili kaloi Covidin, por rezultati i fundit me Teutën ka rikthyer dhe një gjendje jo të mirë në ambient.
Orges Shehi: Do të shpresojmë të bëjmë më të mirën me Vllazninë edhe pse po kalojmë një moment të vështirë pas ndeshjes me Teutën.
Ndërsa ish-kapiteni Ilion Lika tregon më tepër rreth përjetimit të kësaj prag ndeshjeje.
Ilion Lika: Ne që veshim këtë fanellë na del gjithmonë si detyrim fitorja.
Ndërkohë kjo javë e Superligës do të ketë edhe disa ndeshje të tjera të rëndësishme të cilat si gjithmonë do të keni mundësinë t’i ndiqni drejtpërdrejtë dhe ekskluzivisht në Digitalb.
Top Channel
