Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
Emma Coronel Aispuro, gruaja e lordit meksikan të drogës Joaquin “El Chapo” Guzman u arrestua në një aeroport jashtë Uashingtonit. Ajo është ndaluar nën akuzat ndërkombëtare të trafikut të drogës.
Autoritetet në Shtetet e Bashkuara të Amerikës kanë arrestuar gruan e lordit meksikan, tashmë të burgosur të drogës Joaquin “El Chapo” Guzman, tha të hënën Departamenti i Drejtësisë.
Emma Coronel Aispuro u arrestua nën akuzën e trafikut të drogës kur mbërriti në Aeroportin Ndërkombëtar, Dulles jashtë Uashingtonit.
Ajo pritet të paraqitet në gjykatën federale të Uashingtonit të martën.
Për çfarë akuzohet ajo?
31-vjeçarja përballet me akuza për shpërndarje kokaine, metamfetaminë, heroine dhe marihuane në SH.B.A.
Coronel Aispuro është akuzuar gjithashtu për ndihmën e burrit të saj për të ikur nga një burg në Meksikë në 2015.
Departamenti i Drejtësisë tha se ajo ishte “e angazhuar në planifikimin e një arratisjeje tjetër nga burgu” para se Guzman të ekstradohej në SH.B.A. në 2017.
Çfarë dimë për të?
Coronel Aispuro ka një shtetësi të dyfishtë Amerikane dhe Meksikane dhe ka fëmijë binjakë me Guzman.
Ajo ishte paraqitur në gjykatë pothuajse çdo ditë gjatë gjykimit tre-mujor të Guzman në Neë York në 2019.
Ndërsa qëllimi i autoriteteve amerikane për ta arrestuar atë nuk ishte i njohur më parë,megjithëse ishte sugjeruar që ajo ishte e përfshirë në tregtinë e drogës dhe burgjeve të Guzman.
“Mund të them vetëm se nuk kam asgjë për t’u turpëruar. Unë nuk jam perfekte, por e konsideroj veten një qenie njerëzore e mirë që kurrë nuk kam lënduar askënd qëllimisht,” tha ajo kur mbaroi gjyqi i burrit të saj.
Kush është burri i saj ‘El Chapo’?
Guzman, i cili udhëhoqi Kartelin famëkeq Sinaloa të Meksikës për gati 25 vjet, u dënua me burgim të përjetshëm në korrik 2019.
Prokurorët amerikanë kanë thënë në gazetat e fundit të gjykatës se karteli ishte përgjegjës për kontrabandimin e mijërave kilogram kokainë dhe droga të tjera në SH.B.A. gjatë mbretërimit të Guzman.
“Ushtria” e baronit të drogës ishte gjithashtu nën urdhra për të rrëmbyer, torturuar dhe vrarë ata që u futën në rrugën e kartelit, thanë prokurorët.
Top Channel
