Të Fundit

I ftohti ekstrem në SHBA/ Spektakël i natyrës, ngrin ujëvara e Niagarës

22/02/2021 22:12

Dy javë acari në Shtetet e Bashkuara nuk kanë kursyer as njërin prej vendeve më të vizituara nga turistët, ujëvarën e famshme të Niagarës, duke dhuruar një spektakël të jashtëzakonshëm të natyrës.

Ujëvara në kufi me Kanadanë ngriu pothuajse e gjitha, një pamje e jashtëzakonshme kjo që përsëritet thuajse çdo vit por këtë herë niveli i ngrirjes ishte edhe më i madh, duke i lënë pa frymë spektatorët fatlumë të cilët mundën të dëshmojnë skulpturat natyrale të akullta, malet e dëborës dhe forma që e bëjnë këtë një peisazh dimëror gati të pabesueshëm.

Këtë radhë, si për ta bërë këtë dhuratë të natyrën edhe më të paharrueshme, mbi ujëvarë u shfaq edhe një ylber. Sakaq, në pjesën të Shteteve të Bashkuara, temperaturat kanë nisur të rriten duke sjellë ngrohtësi në zonat e goditura rëndë nga moti i ashpër dimëror.

Jugu amerikan përballet tani me sfidën e pastrimit dhe riparimeve të kushtueshme pas disa ditësh të ftohti ekstrem dhe ndërprerje masive të energjisë elektrike.

Top Channel