Gjobiten se shkelën masat anti-Covid/ Murgeshat shkuan t’i bënin ekzorcizëm parlamentit

22/02/2021 17:16

Dy murgesha irlandeze kanë marrë donacione publike prej gati 80 mijë eurosh për të ngritur një banesë të re pasi një gjykatë i urdhëroi të largoheshin nga West Cork vetëm sepse morën pjesë në një seancë ekzorcizmi në Dail duke shkelur në masat anti Covid.

Murgesha Irene Gibson, që i përket grupit Motrat Karmelite dhe kolegia e saj, Anne Marie, nga Zelanda e Re, u urdhëruan të largohen nga kompleksi i tyre pas pjesëmarrjes në eventin religjoz në Dublin dhjetorin e kaluar. Dail, është dhoma e ulët e legjislaturës irlandeze, Oireachtas. Dail përbëhet nga 160 anëtarë.

Pamjet ne internet treguan ekzorcizmin dhe një meshe te mbajtur me pas ne Parkun Herbert të kryeqytetit. Ekzorcizmi u zhvillua në 8 dhjetor, një kohë kur udhëtimi ishte i ndaluar në Irlandë nëse nuk konsiderohej thelbësore sic ishin rastet e nevojës për kujdes mjekësor apo për të blerë ushqime.

Edhe pse qeveria vendase asokohe nuk lejonte tubime ne ntyra me mbi 15 persona, rreth 70 vetë u paraqitën për ekzorcizmin.

Dy murgeshat u angazhuan qe të largonin shpirtrat e këqinj nga ndërtesa e parlamentit.

Top Channel