Qeveria në rrezik? Ministrat izraelitë kërcënojnë Netanyahun: Largohemi nëse pranon propozimin për armëpushim në Gaza! 02/06 09:25
Një fëmijë 7-vjeçar ka humbur jetën tragjikisht pasi një shtëpizë akulli që kishte ndërtuar i ati u shemb mbi të në Zvicër.
Edhe babai i shtatë-vjeçarit u zu bashkë me të nga shembja e dëborës. Ai u përpoq të shpëtonte të birin me ndihmën e kalimtarëve në qytezën Tarasp, por arritën të gjenin trupin e fëmijës vetëm pas 15 minuta gërrmimi me duar në dëborë.
Fëmija u dërgua me helikopter në spital, por nuk arriti të zgjohej më dhe vdiq nga plagët.
Të dy babë e bir kishin shpenzuar disa ditë duke ndërtuar shtëpizën rreth 4 metra të gjerë, raportonin mediat vendase.
Autoritetet thanë se po hetojnë mbi aksidentin, ndërsa të afërmit e viktimës po merrnin mbështetje psikologjike.
Policia e Graubünden tha se fëmija kishte qëndruar tepër gjatë nën presionin e dëborës dhe vdiq në spital.
Roman Rüegg, zëdhënësi i policisë së Graubünden tha: “Kemi nisur hetimet prej të martës, së bashku me prokurorinë.”
Zvicra është goditur nga reshje të rënda dëbore ditët e fundit, ndërsa zona e Graubünden u mbulua nga të paktën dhjetë centimetra në fundjavë.
Top Channel
