Që në orët e para të mëngjesit të ditës së sotme, i gjithë qarku i Lezhës është përfshirë nga reshje dëbore, era të forta dhe temperature disa gradë nën zero.
Si pasojë e reshjeve të dëborës janë krijuar problematika të shumta sa i takon lëvizjeve të automjeteve.
Aksi rrugor Balldre-Lezhë, Lezhë-Milot në të gjithë gjatësinë e tij ka prezencë akulli dhe dëbore, gjë e cila ka shkaktuar probleme të shumta për drejtuesit e automjeteve.
Duhet theksuar fakti që kemi patur disa dalje të automjeteve nga rruga apo përplasje si pasojë e ngricave.
Sektori i Qarkullimit Rrugor dhe Specialistët e Krimit Ekonomik e Financiar të DVP Lezhë ka nisur procedimin penal ndaj firmës kontraktuese për mirëmbajtjen e kësaj rruge, për veprën penale “Shpërdorimi i detyrës “, pasi nuk kanë marrë asnjë masë në lidhje me mirëmbajtjen e këtij aksi ku lëvizjet janë tepër të mëdha
Reshjet e forta të dëborës shoqërohen nga era kanë vështiresuar lëvizjen edhe në rrugën e kombit. Shumë automjete e kanë pasur të pamundur të vijojnë rrugën nga dëbora dhe ngricat dhe janë detyruar të vendosin zinxhirët.
Autoriteti Rrugor Shqiptar kërkon vëmendjen e të gjithë drejtuesve të mjeteve, të cilët janë të detyruar të lëvizin në këto ditë.
Bëhet me dije se kontraktorët e mirëmbajtjes së rrjetit rrugor kombëtar janë në terren me forca të shtuara me mjete, staf dhe materiale kripë. Gjithashtu u bëjnë thirrje të gjithë drejtuesve të mjeteve të perdorin goma dimërore dhe zinxhirë.
Top Channel
