Thellohet skandali i P Diddy! Dëshmia shokuese: Ka abuzuar me Justin Bieber 17/11 22:47
Një psikolog dhe dy infermiere i janë shtuar investigimeve mbi vdekjen e ish-yllit të futbollit Diego Armando Maradona.
Carlos Díaz, psikologu i Maradonës ka thënë për CNN se puna e tij për Diegon konsistonte në ndihmën që ai i jepte atij për të lënë pas varësitë që ai kishte. Ai shtoi se dëshira e tij ishte të vazhdonte sërish të punonte pranë tij dhe se nuk e ndjen veten aspak fajtor për ndarjen nga jeta të ish-futbollistit.
Gisela Madrid është një prej infermiereve që po investigohen për këtë ҫështje. Megjithatë ajo hedh poshtë akuzat për shpërdorim të detyrës. Avokati ruajti pafajësinë e saj duke u shprehur se klientja e saj nuk mban përgjegjësi përsa i përket kësaj ҫështjeje.
Këtyre u shtohen dhe neurologu Leopoldo Luque dhe psikiatrja Agustina Cosachov. Këta te fundit kanë qenë të parët që u investiguan nga Zyra Prokurorale e Përgjithshme në San Isidro, një prej rrethinave të Buenos Aires ku Maradona jetonte.
Maradona, i cili ndërroi jetë në moshën 60-vjeҫare vlerësohet si një nga lojtarët më të mëdhenj të historisë së futbollit. Pas vdekjes së tij, presidenti i Argjentinës Alberto Fernandez, shpalli tre ditë zije kombëtare.
Top Channel
