Forcat ruse sulmojnë Kievin dhe Harkivin, dy të plagosur 05/11 09:17
Një ekip ndërkombëtar shkencëtarësh kanë zbuluar avuj uji në atmosferën marsiane, ose më saktë klorur hidrogjeni.
Kjo gjetje është një provë e mëtejshme se në të kaluarën ka patur jetë në Planetin e Kuq.
Planeti i Kuq prej shekujsh ka magjepsur njerëzimin. Por vetëm në gjashtë dekadat e fundit, ndërsa anijet hapësinore kanë vizituar planetin e kuq, shkencëtarët kanë mësuar më shumë lidhur me planetin fqinj në sistemin tonë diellor.
Planeti i kuq është i përbërë nga disa lugina të lashta të thara dhe kanale lumenjsh, të cilat prej kohësh i kanë vendosur në mëdyshje shkencëtarët në lidhje me mundësinë e pasjes së ujit në atë vend.
Marsi, planeti i katërt në sistemin tonë diellor, është sa gjysma e madhësisë së Tokës. Planeti ka një diametër prej afro 6760 kilometrash dhe ka dy hëna të quajtura “Phobos” dhe “Deimos”.
Temperaturat shkojnë nga minus 140 gradë celsius në 30 gradë celsius. Graviteti është 62,5 përqind më i vogël se sa në Tokë. Atmosfera e atij planeti përbëhet pothuajse tërësisht nga dioksidi i karbobit, rreth 96 përqind.
Top Channel
