Debati për vaksinën anti Covid dhe përhapjen e koronavirusit u zhvillua këtë javë në emisionin “Rrethi Katror” në E Diell në Top Channel.
Gazetari Bledi Mane, u bëri thirrje qytetarëve që të ndërgjegjësohen dhe të ruhen nga Covid-19 .
Kjo duke pasur parasysh shtimin e ndjeshëm të numrit të viktimave apo të të infektuarve në javën e fundit.
“I them qytetarëvë ta lënë Korçën, se është bërë Korça si Dhërmiu i dimrit, t’i lënë mbledhjet në grupe nëpër restorante e kafene, sepse shikoni si janë shtuar rastet. U them të mbajnë maskën e të ruajnë distancën fizike, dhe nëse ka ditë me diell ta shijojnë atë kafe në dorë duke ecur,” tha Bledi Mane.
Por ai u kundërshtua nga konspiracionisti Alfred Cako, tashmë i njohur si një prej personave që mohojnë se virusi ekziston.
“Ç’i ke këto mo, lëri mo njerëzit të bëjnë dashuri, lërini mo përrallat,” tha Cako.
Top Channel
