Kontrolli i Lartë i shtetit ka nisur një audit në qytetin e Vlorës , në 3 institucione të rëndësishme si Kadastra ,Spitali Rajonal ,Spitali Psikiatrik ndërsa për Bashkinë auditi kishte nisur prej kohësh duke e çuar në 4 institucionet që po kontrollohen .
Kadastra e Vlorës ishte një institucion në të cilin KLSH nuk kishte kryer asnjë kontroll në 8 vitet e fundit .Të gjitha kontrollet që po kryhen në të gjitha institucionet po kalojnë në ‘lupën’ audituesve në mënyrë të detajuar nga Kontrolli i Lartë , ku çdo hap po ndiqet nga kreu i këtij Institucioni , Arben Shehu, për të parë shkelje të mundshme .
Kadastra e Vlorës e cila ka qenë vazhdimisht në qendër të vëmendjes për problematika të ndryshme ka bërë që në këtë institucion të verifikohen lëvizjet e ndryshme ,që nga regjistrimet ,legalizimet dhe deri te mungesa e marrëdhënies korrekte me qytetarët. Sipas burimeve nga grupi i punës , auditimi në institucione po bëhet shumë i detajuar me qëllim që të evidentohen abuzimet dhe çdo shkelje e ligjit të kallëzohet në prokurori e faktuar dhe arsyetuar pa asnjë tolerancë.
Nga ana tjetër Kontrolli i Lartë i Shtetit ,fton qytetarët që të denoncojnë çdo abuzim apo shkelje që lidhet me ta ose janë në dijeni ndërsa rastet e sinjalizimit nga ana e qytetarëve janë rritur ndjeshëm ,fakt i cilin tregon dhe rritjen e besimit të qytetarëve për KLSH.
Top Channel
