Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Rivaldo kritikon ashpër Barcelonën për mënyrën sesi e ka menaxhuar situatën e Lionel Messit. Ish-futbollisti “blaugrana”, teksa po flistë për situatën e rëndë ekonomike që po kalon Barça, u shpreh se vendimi për ta mbajtur edhe një vit Mesin e pastaj për ta lënë të largohej si lojtar i lirë ishte i gabuar. Nga një këndvështrim ekonomik, ai beson se shitja e 6 herë fituesit të Topit të Artë do të shmangte krizën ekonomike.
Ai akuzon bordin e mëparshëm se nuk ka reaguar kur futbollisti kishte ende një kontratë afatgjatë dhe, për ta ilustruar këtë, ai përdor rastin e Cristiano Ronaldos me Madridin:
“Bordi i mëparshëm bëri një gabim duke mos e shitur Messin kur ai ende kishte një kontratë. Mund të bënin diçka të ngjashme me atë që bëri Real Madridi me Cristiano Ronaldon, kur e shiti dhe përfitoi 100 milionë euro.”
Rivaldo mendon se presidenti që do të zgjidhet do ta ketë të vështirë ta bindë “yllin” argjentinas të rinovojë kontratën:
“Tani largimi i Messi duket i pashmangshëm. Është shumë e dhimbshme të shohësh se si një lojtar kaq i talentuar do të largohet nga Barcelona falas, kur klubi po kalon përmes shumë probleme ekonomike”.
Top Channel
